Gaur arratsaldean, Agurain, Dulantzi, Asparrena, Barrundia, Burgelu, Iruraiz-Gauna, Donemiliaga eta Zalduondo udalerrietako 22 batzarkideek Arabako Lautadako Koadrila eratu dute.

Pedro Elosegi, Arabako Biltzar Nagusietako Presidentea izan da lehen bilera honen buru, eta bertan eskualde honetako ordezkariek Ana Gorospe aukeratu dute Arabako Lautadako Koadrila-buru. Honela, Aguraingo Udaleko zinegotzia eta EAJ-PNVko ordezkaria den Ana Gorospek kargua onartu eta Koadrilako presidentziari dagozkion lanak beteko ditu legealdi berri honetan.